Gee

Hoërskool Jan van Riebeeck is ‘n wonderlike, diverse skool met nagenoeg 500 gelukkige leerders wat daagliks goeie opvoeding hier in Kaapstad ontvang. Die personeelkorps, ouers en gemeenskap doen wat hulle kan om al hierdie leerders in ‘n veilige en gesonde omgewing op te voed.

Soos baie ander skole in die land is daar egter van ons leerders wat gebuk gaan onder ernstige maatskaplike nood. Heelwat van ons leerders het ‘n tekort aan basiese noodsaaklikhede en ander leerders se gebrek aan fondse veroorsaak dat hulle nie die vele voordele van ons skool ten volle benut nie.

Ons wil graag hê dat al ons leerders gevoed, geklee en gesond moet wees en dat elke leerder alles moet hê wat nodig is om hulle volle potensiaal te kan bereik. Ons wil graag hê dat almal moet leer dat liefdadigheid inderdaad by die huis begin. Kortom, ons wil graag ál ons leerders dieselfde kans op sukses gee.

Ons doen ‘n beroep op u almal om ‘n bydra te lewer vir Hoërskool Jan van Riebeeck se Noodfonds.

Hiermee kan ons ‘n leerder toerus om elke dag gemaklik te voel om te werk, te leer én te speel.

Nog ‘n manier om te help is om geld te skenk aan die skool se beursfonds. In 2019 is daar 45 leerders wat met behulp van beurse by Jan van Riebeeck skoolgaan. U help nie net ‘n leerder nie, maar ook die skool en die breër gemeenskap.

Indien u graag ‘n bydrae wil maak, kontak asseblief ons finansiële bestuurder by nicky.hattingh@janvanriebeeck.co.za

 

 

 

 

 

 

 

 

X