Ons Visie

Hoërskool Jan van Riebeeck is ‘n skool:

  • wat onderrig van hoogstaande gehalte bied;
  • wat analitiese vermoë, kreatiewe denke, selfstandigheid, selfvertroue en empatie by elke leerder aanmoedig en ontwikkel;
  • wat leerders toerus om die uitdagings van die toekoms vasberade en met vertroue aan te durf;
  • wat die karakter van sy erfenis in die hart van Kaapstad weerspieël;
  • waar ons mekaar ondersteun in eendersheid en andersheid en
  • waar ons geesdriftig deelneem aan akademie, sport en kultuur omdat ons kán en wíl.

Ons Missie

Hoërskool Jan van Riebeeck strewe daarna om:

  • ons Afrikaanse Moedertaal te handhaaf en goeie waardes uit te leef;
  • eie kultuurskatte te waardeer, maar ook dié van ander te respekteer;
  • ‘n weldeurdagte, goedgebalanseerde opvoeding aan jong wêreldburgers te bied en
  • te alle tye aan ons integriteit, trots en uitnemendheid geken te word.

Ons Waardesisteem

  • Daarstelling van waardegedrewe en professionele onderwys.
  • Bevordering van akademiese prestasie en die skep van ‘n leerkultuur.
  • Handhawing van dissipline.
  • Effektiewe bestuur en leierskap.
  • Bevordering van tradisies en kultuur binne ons erfenis en karakter.
  • Kweek van lojaliteit en agting teenoor skool en medemens.
  • Bevordering van kreatiwiteit.
  • Kweek van ‘n gesonde kompetisiegees.
  • Ontwikkeling van elke leerder se volle potensiaal.
  • Bevordering van gelykheid en menswaardigheid.
  • Handhawing en oordrag van gesag en respek.

Ons Kernwaardes

  • Blymoedigheid – ‘n Goeie gemoedstoestand is ‘n resep vir sukses.

  • Uniekheid – Wees lief vir jouself en vier jou eiesoortigheid!

  • Integriteit – “If you don’t stand for something, you will fall for anything.”

  • Volharding – Elke doelwit wat jy bereik, bevestig dat jy nie tou opgooi nie!

  • Respek – Om gerespekteer te word, moet jy ander respekteer!

  • Eerbaarheid – As jy nie kan dien nie, sal jy nooit kan lei nie.

  • Verantwoordelikheid – Doen dit self, moenie wag nie!