Ons Geskiedenis

Ordonnansie No. 11 aanvaar voorwaardelik die beginsel van moedertaalonderwys.

C.J. Langenhoven oorreed die Provinsiale Raad om die gebruik van Afrikaans pleks van Nederlands as voertaal in laerskole te erken.

Mej. L.P. Elton, hoof van die Good Hope Seminary, begin in April 1919 met 'n Afrikaanse klas van 12 leerlinge by haar skool.

Hierdie Afrikaanse klas het in 1924 gegroei tot 'n volwaardige laerskool (later die Laerskool Jan van Riebeeck) met 60 leerlinge. Die eerste leerlinge bereik st. 6.

Die SAOU-takke van Kaapstad en omgewing hou 'n konferensie in Kirstenbosch om die behoefte aan 'n hoërskool met Afrikaans as voertaal te bespreek. 'n Waaksaamheidskomitee word gestig om hom vir die stigting van 'n hoërskool in Kaapstad te beywer.

Die Stigtingsdokument van die skool word onderteken.

Dr. W.J. Viljoen, SGO, beloof 'n afvaardiging van die Waaksaamheidskomitee om 'n ad hoc-hoërskool met Afrikaans as voertaal te stig.

Mnr. J.J. Jordaan word as hoof van die skool aangestel.

Die Hoërskool Jan van Riebeeck open met 42 leerlinge en 3 onderwysers.

Eerste prysuitdeling by Die Koffiehuis.

Die skool se naam en leuse word aanvaar.

Die eerste atletiekbyeenkoms vind plaas. Die leerlinge word in drie kleurgroepe verdeel: oranje, wit en blou.

Die eerste leerlingraad – 4 seuns en 4 dogters – word verkies. Die eerste leerling verskyn op die Kaaplandse Merietelys vir Matrikulante – Gordon Greeff.

Hoeksteenlegging van die skool.

Leerlingtal 318 – wat die skool die grootste gemengde skool in Kaapland maak.

Mnr. J.J. Jordaan sterf in die tuig.

Mnr. H.A. Rust word die skoolhoof. Instelling van die eerste gemengde koshuis, Jordaanhuis, op die gronde van die Laerskool Jan van Riebeeck. Eerste inwoners is leerlinge van buite die landsgebied: Suidwes-Afrika (Namibië), Kenia, Noord- en Suid-Rhodesië (Zimbabwe en Zambië).

Hofmeyrhuis word as koshuis gebruik.

Mnr. N.J. le Roux volg mnr. Rust op as skoolhoof.

Welgemeend word aan die skool oorgedra.

Die tennisbane langs die skool word in gebruik geneem.

Fondse word bewillig vir die bou van twee afsonderlike koshuise – vir meisies op Welgemeend-landgoed en vir Seuns op De Hoop-landgoed.

Inwyding van die koshuise, Huis Jordaan en Huis A.J. van der Merwe, deur die Administrateur, mnr. P.J. Olivier.

Mnr. A.S. du P. le Roux neem oor as skoolhoof.

Die netbalbane anderkant Stephenstraat en die Buys-veld met voltooide kleedkamers word in gebruik geneem. Die vergrote skoolsaal en skoolgebou word deur die Administrateur, mnr. Nico Malan, ingewy. Mnr. H.A. Lambrechts word skoolhoof.

Die Boerneef-versameling word bekendgestel.

Mnr. J.H. Uys neem oor as hoof.

Die Goue Jubileum-fees van die skool word gevier en die Jubileumsaal word op 12 Oktober 1976 ingewy.

Mnr. A.G. van Rensburg neem oor as skoolhoof.

Mnr. C.M Boshoff word skoolhoof.

Erepennings word vir die eerste keer aan oudleerders wat hulle onderskei, toegeken. Die nuwe klubhuis, paviljoen, atletiek- en rugbyveld word ook ingewy.

Jan van Riebeeck word 'n Model B-skool, die tweede Afrikaanse skool wat sy deure vir alle rasse oopstel.

Mnr. A. Viljoen word aangestel as skoolhoof.

Die vakke tik, bedryfsekonomie, houtwerk en huishoudkunde word vervang deur rekenaarstudie en tegniese tekene. Xhosa is ingevoer in st. 8. Die rekenaarsentrum verskuif na 'n ander lokaal.

Die E-sentrum vir rekenaarstudie in Hofstraat word in werking gestel. 'n Gemoderniseerde lokaal vir hotelhouding en spyseniering word ingerig.

Mnr J.J.B. van Niekerk word aangestel as skoolhoof.

Die skoolterrein word opgradeer en geboue ondergaan verskeie veranderinge.

Mnr André Franken word as skoolhoof aangestel.

Die skool se eerste fondsinsamelingsdinee- en veiling word gehou. Opknappingswerk word aan verskeie kantore gedoen.

Die skool vier sy 90ste bestaansjaar met funksies deur die loop van die jaar. Verskeie oudleerders ontvang weer erepennings en ‘n groot interskole teen HS Dirkie Uys is ‘n hoogtepunt.

Die koshuise smelt saam en die seuns trek in by Huis Jordaan.