Die Cambridge Wiskunde-eksamens word internasionaal erken. Reeds in 2018 word HJVR deel van hierdie inisatief en in Junie 2023 het ons vyfde groep hul Wiskunde A2-eksamens en Wiskunde IGCSE eksamens afgelê. Die groep se harde werk is beloon met puik resultate. Ons spog graag met Hein Muller en Zaheer Marney in Graad 10 wat albei 87% behaal het vir die IGCSE Wiskunde eksamens. Gerard Snijders en Johann Jordaan het albei die A2 Wiskunde eksamens geskryf en het hul baie goed van hul taak gekwyt deur twee A’s te verwerf. Hierdie is ook nadat al twee leerders gedurende 2022 A+ simbole ontvang het vir die AS-eksamens wat in Junie 2022 afgelê is.
Baie geluk aan elkeen van hierdie leerders. Ons is baie trots op julle.