Ons 1ste span het op Woensdag 2 Augustus tydens die NTK-uitnodigingsaand teen ‘n baie sterk Hottentots-Holland van Somerset-Wes te staan gekom. Die telling was nie in ons guns nie, maar ons sal nooit die geleentheid om in die voor-hoofwedstryd onder die ligte op die mooi velde te speel, vergeet nie. Dankie ook aan die NTK-rugbyklub se bestuur wat die aand moontlik gemaak het en ons afrigters en personeel verwelkom het. Ons sien uit na die geleentheid volgende jaar.
