Ons is baie opgewonde oor die matriekdans wat komende Woensdag, 10 April, plaasvind. Die Graad 12-leerders word die 10de en die 11de April verskoon van die skool. Ons wil ‘n vriendelike versoek rig dat leerders die res van die week skool sal bywoon.
Dit is baie belangrik dat ‘n Graad 12-leerder in die klas is wanneer werk behandel word ter voorbereiding vir die eksamens wat voorlê. Elke les is uiters belangrik en die Graad 12’s kan nie bekostig om uit te mis op belangrike inhoud wat behandel word nie. Ons vra dat ouers/voogde ons sal ondersteun in hierdie verband.