Getrou aan die tradisie keer ons Engelse Huistaal-departement op Woensdag,12 Augustus, terug na die Kunstekaap-teater om saam met ons graad 12-leerders hul gewildste voorgeskrewe (Hamlet) werk op die verhoog te beleef.
Oor die produksie:
Ná twee internasionale seisoene wat groot lof ontvang het, insluitend opvoerings by Europa se grootste en mees gesogte Shakespeare-fees, keer Abrahamse & Meyer terug na Artscape met hul opwindende vertolking van Shakespeare se grootste drama, Hamlet. Die bekroonde duo bring hul kenmerkende vernuwende aanslag en fyn vakmanskap na hierdie mees aangrypende van Shakespeare se toneelstukke. Met skouspelagtige ontwerpe beloof hierdie asemrowende produksie om ‘n moet-sien-ervaring vir leerders, opvoeders én Shakespeare-liefhebbers te wees.